أشعار بدوية تعبر عن عمق الحزن
الصمت يكفي ويشفي صدر راعيه، لا صار كل الحكي ماله معاني، والقلب ما عاد تعنيه المشا ريه، والعين ما عاد تغريها الأماني. يا ليت حزني مجرد دمع وأبكيه، ماهو عايش معي بين المحاني، ماهو يظهر علي وأحاول اخفيه، وتصير نظرات حزني هي لساني. مدري ذكرني زمان كنت ناسيهم، مدري ذكرت الزمان اللي نسانيه، سهيت لحظة وقمت ابحث بجوالي، أقرأ الرسايل وامسح ما بقي منه، لقيت ذكرى رسالة والرقم غالي، مكتوب فيها إذا أنا مت فامسحها. فكرت فيك ولقيتك عايش وسالي، وما ظن يا صاحبي في يوم تذكرها، الموت عندي يساوي غيابك الحالي، والحين بستئذنك يازين وامسحها.
قصائد غزلية ورومانسية من صحراء القلوب
ذويت مرباع الغضى سيد الأحباب، قصدي يزول الجرح زاد التهابـه، جيت وبقايل نارهم حول الإطناب، بيت الشعر مطوي وباقي زهابـها. قفت ركايبهم ومني الهـدب ذاب، والدمـع يسـري والذهـل بالإجابة، على غزير الدمع ضميت الأهداب، صديت لين الدمع يقفي سحابـه. بعض الوجع يمكن تداويه الأعشاب، وبعض الوجع يا ويل من هو سطا به، عشق بدوي لا حب ما هو بكـذاب، وفي ولو جرحـه تجـدد صوابـه. واليوم وصلت بيننا مثل الأجناب، ذاك الغلا يا ضيعته يا سفابـه، باكر إذا جينا لهم مثل الأغراب، من عقب ما كنا الأهل والقرابة، الأمر لله كل شي له أسباب، ولا الهوى وش لي على ما اهتدى به.
أخرى من قصائد الغزل والرومانسية البدوية
حقيقة الشوق وخوية خيال، نصبتها روحي وصدري بلدها، أقرب من أنفاسي ورسمة ظلال، الترفه اللي وسط قلبي وحدها. تشوف لذة عمرها من خلالي، وتشوف لذة عمري بلمس يدها، يحبها قلبي مع حبها ليويدعي، لها في كل سجدة سجدها. أنيقة الذوق الرفيع المثال، نعمة من الله من لقاها حمدها.
أشعار بدوية في العتاب والألم
أدري مقصر وياك، وأدري ما تدرين أسباب تقصيري، لو دام حبك وعلاقتنا، أنا لغيرتك وأنتِ لغيري، لازم نقوى على الفراق، حتى لو كان بعدك تدمير، عجزت لا أدبر ظروف تحدّتني، ما قام حظي ولا فادت تدابيري. ولو أن قربك خطأ يا بيض رايتنا، يزيد قدرك غلا من زود تقديري، يا غايتي يوم تنهينا نهايتنا، تعالِ أخذي من أوجاعي تعبيري. أنا وشعري وصلنا فوق طاقتنا، حزن وحزني يحبونه جماهيري، واليوم لدفن بقايا حي ميتنا.
قصائد بدوية في المدح والشجاعة
للـطيب مواقف وللمرجلة رجاجيل، وللخيل فرسانها في ساعة الشدة، وللبيوت أمراس وللقهوة الفناجيل، على مضايف نشامة لها رجالٌ تعدّه. حنا هل المواقف مواقف الشهم الأصيل، يشهد لنا السيف ويشهد لنا حدّه، حنا نخاوي الدنيا خوة نجوم الليل، عدّ النواظر ما طاوعتنا بعدّه. حنا النشامة يشهد لنا دمٌ يسيل، نحر الذبايح دوم ساعة اللين والشدة، حنا النشامة وتشهد لنا سروج الخيل، سروج الركايب فزعة اللي نوده. حنا النشامة وتشهد لنا الفناجيل، نسهر لها ما حنا مكبرين المخدة، حنا النشامة وتشهد لنا التعاليل، على الخوة تربينا وعلى حب ومودة. حنا النشامة عند المرجلة فزعة رجاجيل، حنا على الميدان سيل لا طم ما تهدأ، حنا النشامة هل المواعين المثاقيل، هل دلال عامرة ما طفى نارها ولا هدا. حنا النشامة كرام ما نعد الشات الهزيل، نقدم الميسور لو طال الزمن ونمدّه، لا مال الزمن بالردي ما تنفعه التهاويل، ولا تنفعه ثروة أبوه ولا قروش جدّه.